طريقة تحضير بريوات بالحوت 
سلام الله عليكم حبيباتي، عواشركم مبروكة وتقبل الله صيامكم. 
هادو بريوات كيجيوا الذاذ بزاف بالحوت مخلط مع صدر الدجاج بالحرور
من اعداد وتقديم الأخت 🌼🌸 فوزية البركانية 💕
المقادير :
كروفيت (قمرون)
السمك الأبيض
صدر الدجاج
ا لشامبينيو
قزبور معدنوس
بدرة الثوم
بدرة البصل الشعرية الصينية
التوابل :
بدرة قشور لكروفيت
تحميرة، ابزار، لهريسة، حامض، صلصلة صوجا، ملح، زيت والزبدة.
الطريقة:
كنسلقو لكروفيت، كنحتفظو بالماء باش نسلقوا فيه الشعرية، كنشحرو صدر الدجاج مع الزيت والزبدة مع بدرة الكورفيت وبدرة البصل وبدرة الثوم.
نفس الشيء كنديروه للحوت كنزيدو القزبور والمعدنوس، كنزيدو باقي التوابل،
وكنديرو شوية من عصير الليمون او الحامض،
كنخلطو كلشي مع الشعرية الصينية الي سلقناها فالماء السابق ديال الكروفيت،
كنخليو حتى يبرد شوي وكنبداو انعمرو البريوات،
وندهنهم بالزبدة والزيت وشوي ديال التحميرة،
كندخلوهم الفران وبالصحة والراحة ❤️
👈🏻
حساب اللي ضروري يكون عند كل واحد فيكم : @lcozina
