سلطة برستيج صيفية

الخطوة الأولى:

المقادير:

1. الخس،
2. لتر من عصير الليمون،
3. باكية من إبلي أي القمح،
4. 200غ زبيب أسود مرقد في كاس ليمون دافئ،
5. 200غ كركاع مهرمش،
6. 2 دانون مسوس،
7. 2 تفاحات خضرين مقطعين مربعات،
8. 2 تفاحات حمرين مقطعين مربعات،
9. 2 ملاعق كبيرة عسل،

الطريقة :

1. نغسلوا الخس فريزي ويقطر ونستفوه في الجوانب ديال طبسيل
2. ناخذوا لتر من عصير الليمون
3. نسلقوا القمح في عصير الليمون و الملح والإبزار،
4. نخلطوه مع كل هذه العناصر وتترك تبرد،
5. نحطوها وسط طبسيل للي ستفنا فيه الخس، 
6. نقطعوا الأفوكادو شرائح ونعصروا عليها الحامض ونوفوها على جناب القمح،

الخطوة الثانية:

المقادير:

1. قوق مسلوق،
2. بصلة مشلظة رقيقة،
3. شرائح داند مدخن،
4. زبدة ، ملح وإبزار،
5. حك الذرة ،
6.  2 م ك عصير الحامض،
7. فرماج أحمر،

الطريقة:

1. ناخذوا قلب القوق مسلوق ومعمر بـ : بصلة مشلظة رقيقة نشحروها في شوي زبدة ، ملح وإبزار حتى تولي ذهبية + حك الذرة + 2 م ك عصير الحامض ونخلطوا مزيان ونعمروا القوق ونرشوا عليهم فرماج بارمزان وأحمر وندخلوهم الفرن غير يتحمر الوجه ونستفوهم في جناب الطبسيل.
2. ناخذوا لونديف نقطعوه ونلوحوه فوق الخس، ومابين كل قوقة ناخذوا شريحة من داند مدخن تلوى بحال البلغة ونشدها بعود سنان ونعمرو بجبلي المنسم بالأعشاب مخلط مع شوية كورنيشو مقطع رقيق و القليل من م ص صوص صوجا

الصوص :

1. ناخذو عصير الليمون للي رقدنا فيه الزبيب يصفى ونزيدوا عليه م ص النشا + ملح + إبزار نخلطوا مزيان فوق النار ناخذوا 10ستنتلتر قشدة طرية خاصة بالطهي نطربوها شوي ثم نضيفوها على الخليط نزيدو شوي الخل ، ملح وإبزار ثم نعملوا طبقة رقيقة فوق القمح ونرشوا شوي رقائق اللوز من فوق محمرينونصبوا شوي فوق القوق وما تبقى.

نعملوه في زلافة ويقدم مع السلطة