أهلا بكل متابعين #الكوزينة
النهاردة بقى جيبالكم طريقة البيتزا بأفضل طعم وأجمل شكل وأقل تكلفة😉 🍕🍕🍕
أولا هنعمل العجينة مع بعض مكوناتها عبارة عن ايه 😊
كيلو دقيق
نص ملعقة كبيرة ملح
2ملعقة كبيرة سكر
2ملعقة خميرة
4 ملاعق لبن بودرة
نصف كوب زيت
2 كوب ماء دافئ للعجن حسب نوعية الدقيق
بيضة حسب الرغبة
2 ملعقة خل
صلصة بيتزا
جبنة موزاريلا
فلفل رومي طماطم بصل بسطرمة تونة
هنخلط المكونات الجافة مع بعض كويس و ننزل بالزيت نخلطة كويس مع المكونات الجافة و بعدين البيضة معاها الخل و نخلطهم ونبدأ ننزل بالماء شوية بشوية لغاية ما نحس أن العجينة بدأت تلم و نعجنها من 10 دقائق لربع ساعة بحيث تكون عجينة ناعمة 😆
نتركها لمده ساعة في مكان دافئ حتى يتضاعف حجمها😍
و بعدين نقسم العجين لكرات على حسب حجم البيتزا اللي تفضليه الكمية دي بتعمل من أربع إلى خمس صواني متوسطة الحجم 😃
نفرد الكرات ونخلي سمكها نص سم لأنها هتعلي تاني ☺
وندهنا بصوص الأحمر (الصلصة) عبارة عن صلصة طماطم عليها بصل بودر و ثوم بودر معاهم روزماري و فلفل أسمر و ملح 😌
و بعدين ننزل بالحشو اللي بنحبه فلفل أخضر _طماطم_بصل_بسطرمة_ميكس جبن_تونة _ سوسيس😚
ندخل الصينية الفرن ويكون شغال قبلها بربع ساعة على حرارة 180 من تحت بس مش بتاخد وقت في الفرن من 10 دقائق لربع ساعة بعدين نخرجها و نوزع عليها الجبن الموزريلا
وندخلها الفرن تاني بس شواية فقط دقيقتين يادوب الجبنة تسيح ونخرجها وبالف هنا وشفا 😋😋😋
ملحوظة يمكن الاحتفاظ بالعجينة في الفريزر بأكياس محكمة الغلق واستخدامها فيما بعد 🍕
#الكوزينة
#البيتزا
#جربوها
