ميني تارت بعجين الصابلي بكريم باتسيير والفواكه
مرحبا بالجميع؛
نقترح عليكم اليوم ميني تارت بعجين الصابلي بكريم باتسيير والفواكه كايجيو هائلين 😍👌
المقادير:
- 200 غ زبدة سبيسيال
- 200 غ سكر سنيدة
- 50 غ نشا
- ملعقة كبيرة لوز مطحون
- ملعقة كبيرة بودرة الحليب (نيدو مثلا)
- فانيلا
- ملعقة كبيرة زيت
- بيضتين
- ملح
- 400 غ دقيق او اكثر حسب الخليط
الطريقة:
- كنخلطوا الزبدة والسكر والزيت
- نضيفو الملح فاني لوز مطحون نيدو ونخلطو
- منعجنوش الخليط غير نجمعوه باطراف الاصابع
- نضيفو بيضتين واحدة تلو الاخرى
- نضيفو النشا والدقيق
- شوية بشوية تيتجمع الخليط
- العجينة تكون رطبة
- نغطيوها بلاستيك غدائي وندخلوها التلاجة لمدة 30 دقيقة او المجمد الا مزروبين عليها
- منين نخرجوه نرشو سطح العمل بدقيق و نبسطو العجين بدلاك
- نقطعوها بقطاعة تكون اكبر من القوالب لغنديرو فيهم ميني تارت منين
- نقطعوها نلبسو القوالب بالعجين ونتقبوهوم بعود خشبي
- نكونو مسخنين الفران 180 درجة لفوق والتحت
- ندخلوهوم الفرن حتى اكتسبوا لون ذهبي
- و منين نخرجوهوم كنعمروهوم بكريم باتسيير (انا درت الجاهزة)
- ونزوقوهوم الفواكه المتوفرة وندهنوهوم بناباج او مربى المشمش وبالصحة والراحة 😍😋
#حلويات #طرطوليت
