سيقار بحشو جديد ولذيذ جدا

سيقار بحشو جديد ولذيذ جدا

المقادير:

1. 500 غرام زبدة
2. كاس سكر احرش (خشن)
3. 4 بيضات
4. فانيليا
5. ملعقة صغيرة خميرة حلوى
6. رشة ملح
7. فرينة (طحين او دقيق) حسب ما تتلم العجينة
8. للحشو:
9. شوكولاته طلي نوتيلا ولا اي نوع اخر
10. كاوكاو محمص ومرحي
11. باطة شامية
12. للتزيين:
13. شوكولاته سوداء وبيضاء
14. كاوكاو محمص ومرحي

طريقة التحضير:

1. نحطوا الزبدة البيض ورشة الملح والسكر ونخلطوا مليح نلموا بالفرينة ونزيدوا مغرف الخميرة حتى نتحصلوا على عجينة طرية نخلوها ترتاح
2. بعد ما ترتاح العجينة نفتحوا على شكل طولي وتكون رقيقة ونجيبوا لمول نحطوا فوق العجينة وندوروا زوج دورات ونقطعوا ونضغطوا مليح على تصكيرة باه متتفتحش معانا ونواصلوا
3. ندخلوهم لفرن نحمروهم من لتحت ممبعد لفوق نحوهم من لمول هم دافين باه ميغلبوناش
4. نحضروا لحشو نجيبوا النوتيلا نزيدولها الشامية والكوكاو ونخلطوا نتحصلوا على حشوا قوامه متماسك ماهو جاري ماهو قاسح نعمروا الحشوا في كيس تزين ونقطعوا راسة ونعمروا حبات الحلوى ونخلوهم ينشفوا شوي ونقلاصوهم بالشوكولاته ونزينوهم بالكوكاو ونرسموا خطوط بالشوكولاته البيضاء ونرشوا عليها شوي بريوا

 وبالصحة والراحة